Ito ay isang mabilisang post na alay ko para sa lahat ng mga bagitong blogger na wala man lang ka-blogging blogging etiquette at punumpuno ng kawalanghiyaan sa katawan para magpapansin sa sibaks ng may sibaks:
Unang-una, tulad ng nauna ko nang sinabi, ang makamundong Pinoy sangkablogosperyohan eh para sa lahat ng gustong magsulat ng kung anu-anong shit para magpapansin, pumansin, o pansinin ng iba pang blogger na may kaniya-kaniyang angas at yabang para maghari-harian sa sarili nilang datkom.
Subalit, at ito ang napakalaking subalit na hinding hindi mo dapat makalimutan, huwag mo sanang gamiting rason ang pagiging free-flowing ng buladasphere para mangalap ng mga mambabasa ng mga itinuturing mong obrang sa totoo lang eh wala naman talagang kwenta. Kung minsan, masaklap tanggapin ang katotohanang ang pinag-jakolan mo ng ilang gabing malagkit ang buwang blog post mo eh basura lang pala para sa iba, higi't lalo kapag Tagalog na nga ang ginamit mong medium eh puro epic phail pa rin ang tudling at balarila.
Okey. Sabihin na nating Intarnetz ito at ang mga salitang bantas, tudling, o balarila eh hindi dapat binibigyan ng masyadong diin dahil hindi naman talaga sulating pormal ang mga nililikha mong blog post di tulad nung nasa elementary at high school ka pa lang. Point taken. Pero hindi ba kalabisan nang maituturing ang palampasin na nga ang pulpol mong paggamit ng wikang Pinoy eh puro walang kakwenta-kwenta pang shit ang sinusulat mo sa iyong sariling bulagspot?
Walang masama sa hangad mong sumikat.
Naiintindihan kita. Kahit sinong blogger, kapag nabasa na ang comment ng kung sinumang talipandas na naligaw ng landas sa kuta niya, maski na kasing kupal mo ring "Nice post, ex-link" comment ang ibinigay sa post mo eh matutuwa't matutuwa ka pa rin dahil maski papano may nagbabasa pala ng likha mo. Dahil maski papano eh may kung sinumang nag-effort para isantabi niya ang pagka-batugan niya't tumipa ng half-meant papuri sa blog post mong wala namang kakwenta-kwenta.
Ang sa akin lang naman, huwag mong pangunahan ang ibang tao sa kung ano ang dapat nilang gawin at kung ano ang hindi dapat nilang gawin. Sa ginagawa mong 'yan, inilalapit mo lang ang sarili mong bulagspot sa kapahamakan. Imbes na umani ka ng papuri, mas lalo ka lang babalewalain ng mga posibleng panauhing maaari sanang pagtiyagaan ang nilalaman ng kuta mo. Worst case scenario? Baka nga putaktihin ka pa ng panlilibak sa kabastusang ginagawa mo.
Gusto mo talagang umani ng mambabasa?
Okey, makinig kang mabuti. Mataimtim mong isalaksak sa kukote mo ang napakasimpleng payong 'to: Matuto kang magbasa ng post ng iba.
Papano ka nga naman babasahin ng iba kung ikaw mismo eh hindi nagbabasa sa likha nila? Okey, mahaba ang post nila at hindi ka naman talaga interesado at ang gusto mo lang talaga eh pumunta sila sa bulagspot mo para basahin ang kung anu-anong shit na isinulat mo? Walang kaso 'yan. Magpakaplastik ka maski konting-konti lang. Basahin mo maski na huling talata lang ng post nila para naman may matino kang masabi sa sibaks nila at hindi na lang puro kabobohang "Pumunta ka sa bulagspot ko may bago akong post tungkol sa shit na 'to maganda ang walang kakwenta-kwentang post na 'to sige na dali na basahin mo ang post ko hindi ka magsisisi ipinapangako ko 'yan" shitnitz.
Makikita mo, kapag sinunod mo ang payo kong 'to maski na talagang walang kalatuy-latoy ang mga pinagsusulat mong shit eh may mahahabag para i-click ang link mo maski na labag sa kalooban nila.
Kaya naman sa puntong ito, walang halong buladas kong sinasabi sa 'yong habang maaga pa eh tabasan mo na ang kakapalan ng pagmumuka mo. Payong ka-blogger lang, brad. Utang na loob, tigilan mo na ang kabastusan-kawalangyaan mo sa pagroronda sa kung kani-kaninong blog para lang ibalitang may bagong post ka na at kung pwede eh pakibisita naman para mabasa nila.
Nakakaawang nilalang. Walang ipinagkaiba, kung hindi man higit pa, ang kakapalan ng muka mo sa apog ng de-nunal na nilalang na nakaupo ngayon sa trono.
Patawarin niyo ako pero mapangahas kong sinasabing kung minsan, may mga blogger lang talagang hindi na dapat sinisikatan ng araw sa ibabaw ng makamundong Pinoy sangkablogosperyohan.
Nakakadagdag lang sila sa tone-tonelada nang basura sa Intarnetz.
*Isang spur-of-the-moment post matapos mabasa ang nilalaman ng sibaks ng isang manunulat-blogger na sinusubaybayan ko.
**sibaks - balbal na pagsasalin sa Filipino ng salitang c-box (o chatbox)
